СМС-пораките презентирани на суд помеѓу пејачот D4vd и 14-годишната Селесте Ривас Хернандез, за чие убиство е обвинет, откриваат дека малолетничката забременила и абортирала пред да го изгуби животот, објави Би-Би-Си во саботата.
Разговорите се појавија за време на првичното сослушување во Лос Анџелес, каде што судијата разгледува дали пејачот, чие вистинско име е Дејвид Ентони Бурк, ќе биде суден за убиството на малолетничката.
Според обвинителството, во јуни 2024 година, кога Селест имала само 13 години, а Бурк 19, таа му пишала: „Што ако првиот абортус не успее?“
Обвинителите тврдат дека Бурк ја убил девојката откако таа се заканила дека ќе ја разоткрие нивната афера и сексуалната злоупотреба, што, според нив, ќе му ја уништи кариерата. Тој се изјасни за невин по обвиненијата за убиство и сексуална злоупотреба на малолетничка.
Во друга размена на СМС-пораки од јануари 2024 година, Бурк ѝ се извини на 14-годишната девојка, велејќи ѝ дека му е жал што „ја довел во оваа ситуација“.
Таа одговори: „Никој од нас не е во можност да го одгледа и да се грижи за бебето. Подобро е вака, нели?“
исто така
14-годишното девојче за чие убиство е обвинет Д4вд почина од рани нанесени со остар предмет
Потоа, Бурк праша: „Уште нешто... Мајка ми секогаш ми велеше да го поставам ова прашање ако некогаш се најдам во оваа ситуација... Мое е, нели?“
Селест одговори: „Секако дека е твоја, Давиде.“
Овие пораки беа прочитани во судницата како дел од доказите презентирани од обвинителството..
