Илјадници граѓани се собраа во петокот вечерта на улиците на Белград за да ги пречекаат студентите кои пеш пристигнуваат од целата земја, пред големиот протест што ќе се одржи во сабота.
Студентите, кои повеќе од три месеци ги блокираат факултетите низ Србија, го најавија „најголемиот протест досега“ на 15 март.
Тие бараат државна одговорност за смртта на 15 лица на 1-ви ноември кога се урна засолниште на железничка станица во Нови Сад.
А во близина на Српското Претседателство е поставен камп од група која се противи на блокадите на факултетите. Оваа група е формирана на 6 март. Тие се нарекуваат себеси „студенти кои сакаат да учат“, но како што објавија медиумите во Србија, таму има постари луѓе, па дури и поранешни припадници на злогласната српска армиска единица „Црвени беретки“. Овој камп се смета за „штит“ на Вучиќ во пресрет на протестот најавен за 15 март од студентите.
