Организаторите на Олимписките игри се извинија откако јужнокорејските спортисти по грешка беа претставени како севернокорејски спортисти за време на свеченото отворање што се одржа во петокот во Париз, јавува „Би-би-си“.
Додека тимот парадираше веејќи знамиња на Јужна Кореја, и француските и англиските најавувачи ги претставија како спортисти од „Демократска Народна Република Кореја“, официјалното име на Северна Кореја.
Истото име тогаш се користело - правилно - кога севернокорејската делегација пловела по реката Сена.
Двете Кореи се разделени од крајот на Втората светска војна, додека тензиите меѓу двете земји неодамна ескалираа.
Министерството за спорт на Јужна Кореја соопшти дека планира да испрати „силна жалба до Франција на владино ниво“ поради грешката.
Во коминикето се наведува дека вториот заменик министер за спорт Јан Ми-Ран побарал средба со првиот човек на Меѓународниот олимписки комитет Томас Бах.
Меѓународниот олимписки комитет (ИОК) објави јавно извинување на својата официјална сметка на корејски јазик.
„Сакаме длабоко да се извиниме за грешката што се случи при претставувањето на јужнокорејската делегација на церемонијата на отворањето.
исто така
Сите подготвени за големата забава во Париз
Јужна Кореја се натпреварува во Париз со 143 спортисти во 21 различен спорт. Северна Кореја испрати 16 спортисти.
Јужна Кореја е претставена како Демократска Народна Република Кореја или Северна Кореја во Париз 2024 година 🤣 pic.twitter.com/RtCVGE7wzZ
— @ (@anthraxxx781) Јули 27, 2024
Настана грешка во нашиот пренос при претставувањето на тимот на Националниот олимписки комитет (НОК) на Република Кореја за време на церемонијата на отворање, искрено се извинуваме. pic.twitter.com/LfUPLrtaYv
— IOC MEDIA (@iocmedia) Јули 27, 2024
