Кошаркарите на Австралија забележаа победа во првиот натпревар на Олимписките игри во Париз.
Австралија во саботата во Лил победи со резултат 92:80 против Шпанија, на воведниот натпревар од групата А. Кошаркарот Данте Ексум не се појави за Австралија поради повреда. Во меѓувреме, Шпанецот Руди Фернандеш стана првиот кошаркар кој учествувал на шест олимписки турнири.
Најистакнат во победата на Австралија беше Џок Лендејл со 20 поени, девет скока и пет асистенции. Џош Гиди постигна 17 поени.
На Шпанија не и помогнаа 27 поени и пет скока на Санти Алдамас.
