Убиен двократниот светски шампион во бокс

Dy herë kampioni i botës në boks, Zolani Tete, është vrarë afër shtëpisë së tij në Afrikën e Jugut. 

38-vjeçari u vra të premten pas gjuajtjes me armë zjarri në Mdantsane, në Kepin Lindor. 

Zyrtarët policorë kanë thënë se Tete ishte në makinën e tij dhe priste të hapej porta e shtëpisë kur dy të dyshuar, të armatosur, kanë dalë nga një makinë dhe kanë gjuajtur disa herë në drejtim të tij dhe pasagjeres 27-vjeçare, e cila vazhdon të jetë në spital. 
Ministri i Sportit, Artit dhe Kulturës i Afrikës së Jugut, Gayton McKenzie, ka thënë se “Afrika e Jugut e ka uhmbur njërin prej luftëtarëve më të mirë që e ka pasur”. 
Tete e mbajti titullin e kategorisë bantam në versionin WBO prej vitit 2017 deri në vitin 2019, si dhe ishte kampion i kategorisë super-mizë në versionin IBF. 

Tete po ashtu është në Librin e Rekordeve për nokautin më të shpejtë në meç për titull. Siboniso Gonyan e kishte rrëzuar për 11 sekonda në vitin 2017. 

Për herë të fundit, Tete u përball me britanikun Jason Cunningham në korrik të vitit 2022, dhe e kishte fituar meçin e zhvilluar në Londër. 
Më pas kishte dalë pozitiv në testin për doping dhe ishte dënuar për katër vjet. 

Tete pati 29 fitore në 34 luftëra.