Дали ова е најбрзиот нокаут во историјата?

Германскиот боксер Виктор Јурк го забележа еден од најбрзите нокаути во историјата на боксот. 

Тој го собори боксерот Едвин Кастиљо на земја со еден удар, само неколку секунди откако започна борбата во петокот вечерта во Манхајм, Германија.

Јурк, на средината од рингот, зададе многу силен лев удар во вилицата на својот колумбиски противник. 

Неверојатната победа го шокираше боксерскиот свет, а многумина беа воодушевени од моќта на ударот на германскиот боксер. 

Многу фанови на боксот изразија загриженост во врска со овој удар, бидејќи веруваат дека Кастиљо сакал да го удри противникот со ракавиците на почетокот од првата рунда и затоа му биле рацете спуштени. 

Јурк сега има 14 победи, од кои 12 со нокаут.