Венецуела би можела да стане првата земја што ќе ги загуби сите свои глечери

Венецуела би можела да стане првата земја во модерната историја која ќе ги загуби сите свои глечери, пренесува „Би-Би-Си“. 

Климатолозите го намалија рејтингот на последниот глечер во Венецуела, категоризирајќи го како ледено поле. 
Меѓународната иницијатива за криосфера за климата (ICCI), научна организација, на платформата „Х“ соопшти дека единствениот преостанат глечер во јужноамериканската држава - Хумболт или Ла Корона, на Андите - станал „премногу мал за да биде класифициран како глечер“. 

Венецуела изгуби уште најмалку шест глечери во изминатиот век. 

Како што просечната глобална температура се зголемува поради климатските промени, мразот продолжува да се топи, што предизвикува зголемување на нивото на морето низ целиот свет. 

„Немаше толкава ледена покривка на последниот венецуелски глечер од 2000-тите“, рече Каролин Клејсон, глациолог од Универзитетот Дурам. „Сега не се додава, па е прекласифицирано како ледено поле. 

Во март, истражувачите од Универзитетот Лос Андес во Колумбија изјавија за АФП дека глечерот се намалил од 450 хектари на само два. 

исто така СВЕТОТ 2 ј. пред Речиси 70 луѓе се водат како исчезнати по земјотресите во Венецуела

Луис Даниел Ламби, еколог од овој универзитет, за „Гардијан“ изјави дека сега има уште помалку од два хектари. 

Иако не постои глобален стандард за големината на леденото тело за да се класифицира како глечер, Геолошкиот институт на САД вели дека широко прифатената бројка е 10 хектари. 
Студијата, објавена во 2020 година, сугерираше дека глечерот се намалил на помалку од тоа некаде помеѓу 2015 и 2016 година - иако НАСА во 2018 година сè уште го сметаше за последниот глечер во Венецуела.