-
Превод: Вита Абраши-Кајтази
- 5 јуни 2026 година, 10:15 часот
- Споделете на:
Вештачката интелигенција е употребена за создавање нов вид вакцина што би можела да заштити од широк спектар на вируси и потенцијално да помогне во спречувањето на идни пандемии, објавија... БиБиСи.
Научници од Универзитетот во Кембриџ објавија дека за прв пат главната компонента на вакцината е целосно дизајнирана од вештачка интелигенција, а потоа тестирана на луѓе.
Вакцината е развиена за да понуди заштита од сите коронавируси, вклучувајќи варијанти на Ковид-19 и вируси што циркулираат кај животните, што би можело да предизвика пандемии во иднина.
„Секогаш сме еден чекор зад нас. Она што се обидуваме да го направиме е да бидеме чекор понапред од развојот. Целта е да се создадат вакцини што ќе нè заштитат не само од денешните вируси, туку и од оние што би можеле да предизвикаат следна епидемија или следната пандемија. Ова е фундаментална промена во начинот на кој се подготвуваме за пандемии“, рече професорот Џонатан Хини од Универзитетот во Кембриџ.
Наместо да се потпира на постоечка варијанта на вирусот, вештачката интелигенција ги анализирала генетските кодови на многу коронавируси и создала „супер-антиген“, кој може да го обучи имунолошкиот систем да препознава и да се бори против широка група вируси, дури и ако тие се менуваат со текот на времето.
исто така
Вештачката интелигенција се користи за создавање нови вируси
Во првата студија учествувале 39 лица и имала за цел да ја процени безбедноста на вакцината. Во тек е втора студија со околу 200 учесници за подобро да се разбере нејзината ефикасност.
Професорот Саул Фауст од Универзитетот во Саутемптон ја опиша технологијата како многу ветувачка.
„Она што е навистина интересно е што оваа технологија е многу поспособна за дизајнирање вакцини за потенцијални пандемии кога вирусите постојано се менуваат“, рече тој.
Во меѓувреме, тимот од Кембриџ работи и на универзални вакцини против сезонски грип, птичји грип H5N1 и вирусни хеморагични трески, вклучувајќи ја и еболата.
исто така
„Универзалната вакцина“ против рак уништила отпорни тумори кај глувци
„Ова се фасцинантни податоци и никој не би предвидел дека може да се генерираат такви имунолошки одговори“, рече професорот Енди Полард, директор на Оксфордската група за вакцини.
Според експертите, вештачката интелигенција би можела да го револуционизира развојот на вакцини, правејќи го процесот побрз и спасувајќи повеќе животи во иднина.
