Чајот е пијалок од растително потекло, чие консумирање носи многу здравствени придобивки.
И топлиот и ладниот чај содржат полифеноли кои се антиоксиданси кои го прават чајот добар лек.
Клиниката Мајо откри дека полифенолите играат улога во спречување или одложување на оштетувањето на клетките и заштита на клетките од канцерогени материи.
Луѓето кои пијат чај секој ден, без разлика на видот, зелен, црн или кој било друг, подобро поминуваат во однос на менталното здравје.
„Овие луѓе имаат многу добри когнитивни способности“, вели нутриционистот Вики Шанта Ретелни.
EveryDayHealth направи листа на најдобрите чаеви кои се препорачуваат да се пијат на дневна основа.
Зелен чај го намалува ризикот од дијабетес тип 2 и го поддржува здравјето на срцето.
Белите, зелените и црните чаеви спаѓаат во семејството на зелените чаеви. Тие се разликуваат врз основа на нивното ниво на ферментација.
Црн чај му помага на нервниот систем, помага при когнитивните способности и ги отстранува воспаленијата. Покрај овие, црниот чај нуди и други здравствени придобивки, како што се регулирање на шеќерот во крвта и деменција. „Потенцијално, црниот чај го намалува ризикот од рак“, рече Ретелни.
Чај од камилица помага за добар сон и го поддржува имунитетот. Познат по своите смирувачки својства, чајот од камилица најдобро се конзумира пред спиење. Има многу лековити својства. Камилицата е антиинфламаторно, антиоксидантно, антиканцерогено и го намалува крвниот притисок. Овој чај помага и при болки за време на менструалниот циклус.
Чај од ѓумбир помага против гадење и повраќање. Коренот познат како ѓумбир, освен што помага при настинки во грлото, ја намалува и болката при повраќање. Овој чај може да го пијат бремени жени, како и луѓе кои се подложени на хемотерапија.
Чај од нане му помага на дигестивниот систем. Овој чај помага при гастроинтестинални проблеми и го помага варењето. Бидејќи чајот од нане не содржи кофеин, добро е да се пие пред спиење.
Чај од хибискус го намалува крвниот притисок. Освен тоа, чајот од хибискус го регулира нивото на шеќер, го намалува холестеролот, го намалува вишокот килограми и го зголемува нивото на железо.
Чај од анасон ги ублажува симптомите на менопауза. Покрај тоа, овој чај му помага на дигестивниот систем. Чајот од анасон е исто така многу богат со антиоксиданси.
Конечно, нутриционистот Ретелни препорача чајот да се користи за време на подготовката на храната.
„Чајот можете да го користите за да правите храна, можете да го истурите врз ориз. Ќе ги апсорбира добрите својства на чајот“, рече Ретелни.