-
Превод: Вита Абраши-Кајтази
- 13 декември 2024 15:45 часот
- Споделете на:
Случаите на рак на дебелото црево кај младите луѓе се зголемуваат побрзо во Англија отколку во многу други земји, покажа едно истражување.
Експертите се уште се во раните фази на разбирање на причините за ова зголемување Гардијан наведе некои од факторите кои можат да придонесат.
Начинот на хранење
Исхраната е важен фактор, особено претераното консумирање црвено и преработено месо. Исто така, потрошувачката на течности со голема количина шеќер или рафинирани и преработени јаглехидрати го зголемува ризикот.
Се проценува дека околу 13 од 100 случаи на рак на дебелото црево во Британија се поврзани со прекумерна потрошувачка на црвено и преработено месо, како што се сланина, колбаси, конзервирано месо или пилешки грутки, бидејќи содржат хемикалии наречени нитрозамини.
Лекарите препорачуваат оние кои консумираат повеќе од 90 грама црвено и преработено месо дневно да го намалат на 70 грама или помалку.
Како вашата исхрана влијае на ризикот од рак на дебелото црево
Алтернатива би можело да биде црвеното месо да се замени со пилешко или риба. Конзумирањето повеќе влакна, исто така, го намалува ризикот од рак на дебелото црево.
Јадењето храна која не содржи влакна предизвикува околу 30% од случаите на рак на дебелото црево во Британија.
За да се зголеми внесот на влакна, се препорачува да се користи растителна храна, како што се овошје, зеленчук, мешунки и интегрални житарки, кафеав ориз, а наместо чипс да се консумира повеќе нискокалорична пченка. За појадок се препорачува да се консумираат цели зрна наместо „корнфлекс“, кои се високо преработени житарки кои содржат шеќер и вештачки бои.
Прекумерна тежина и дебелина се други причини за рак на дебелото црево. Се проценува дека 11 од 100 случаи на рак на дебелото црево во Британија се поврзани со дебелината.
Прекумерна тежина значи кога индексот на телесна маса (БМИ) паѓа помеѓу 25 и 30, додека дебелината значи кога индексот на телесна маса е 30 или поголем. Важно е да се биде физички активен и да се јаде здрава, урамнотежена исхрана. Постојат силни докази дека луѓето кои се поактивни имаат помал ризик од рак на дебелото црево.
Една неодамнешна студија покажа дека физичката активност наутро и навечер може да го намали ризикот од рак на дебелото црево за 11% и сугерираше дека времето на максимална активност може да игра „клучна улога“ во спречувањето на болеста.
Ограничување на пушењето и консумирањето алкохол
Седум од 100 случаи на рак на дебелото црево во Британија се поврзани со пушењето и се проценува дека околу шест од 100 случаи на рак на дебелото црево се поврзани со консумирање алкохол, особено со обилно пиење.
исто така
Високо преработена храна и зголемување на случаите на рак на дебелото црево кај младите луѓе
Алкохолот го зголемува ризикот од рак бидејќи кога се метаболизира, се распаѓа на хемикалии кои можат да се врзат за ДНК, предизвикувајќи мутации кои можат да станат канцерогени.
Алкохолот исто така може да ги зголеми нивоата на хормони поврзани со развојот на некои видови рак на дојка. Општо земено, колку повеќе се консумира алкохол, толку е поголем ризикот од развој на еден од ракот поврзан со алкохолот.
Семејна историја
Ризикот за рак на дебелото црево се зголемува ако член на блиското семејство, како што се родител, брат, сестра, син или ќерка, ја имал болеста.
Во 5-6% од случаите постои генетска предиспозиција за други случаи во семејството. Ризикот се зголемува уште повеќе ако се дијагностицирани повеќе од еден роднина или член на семејството кој бил дијагностициран на млада возраст, на пример, на возраст под 45 години.
Исто така, постојат некои наследни или генетски состојби кои можат да го зголемат ризикот. Некои од најчестите наследни болести кои предизвикуваат рак на дебелото црево се фамилијарна аденоматозна полипоза (FAP) и Линч синдром.
исто така
Фактори кои можат да влијаат на зголемувањето на случаите на рак кај младите
Специјалистите препорачуваат луѓето со FAP да имаат операција на дебелото црево на 20-годишна возраст. Хирургот обично отстранува дел од дебелото црево за да спречи развој на рак во него.
Улцеративен колитис и Кронова болест Улцеративниот колитис и Кроновата болест се хронични цревни заболувања кои предизвикуваат воспаление во цревата. Имањето на една од овие болести долги години го зголемува ризикот од рак на дебелото црево.
