-
Превод: Вита Абраши-Кајтази
- 1 септември 2026 10:46 ч
- Споделете на:
Një studim i madh ka ngritur shqetësime për ksilitolin (xylitol), një ëmbëltues që përdoret në produktet si çamçakëzi, pasta e dhëmbëve, reçeli, kosi dhe akullorja, ka shkruar Чувар.
Studiuesit analizuan 17,710 persona dhe zbuluan se njerëzit me nivelet më të larta të ksilitolit në gjak kishin 57 për qind më shumë gjasa të pësonin infarkt, sulm në tru ose të vdisnin gjatë gjashtë vjetëve, krahasuar me ata me nivelet më të ulëta.
Edhe pas 30 vjetësh, rreziku mbetej 18 për qind më i lartë.
Sipas studiuesve, sa më i lartë niveli i ksilitolit në gjak, aq më i lartë ishte edhe rreziku për probleme kardiovaskulare.
“Në studimet e mëparshme, treguam se ksilitoli mund të rrisë aftësinë e trombociteve për të formuar mpiksje gjaku”, ka thënë doktori Marco Witkowski.
Ai ka shtuar se ëmbëltuesit artificialë shpesh konsumohen nga njerëzit që mendojnë se janë më të shëndetshëm se sheqeri.
“Gjetjet tona afatgjata tregojnë se dimë shumë pak për sigurinë kardiovaskulare të ksilitolit dhe se nevojiten studime të mëtejshme”, ka thënë ai.
Ekspertët paralajmërojnë, megjithatë, se studimi është vëzhgues. Kjo do të thotë se ai tregon një lidhje mes niveleve të larta të ksilitolit dhe problemeve të zemrës, por nuk provon se ksilitoli është shkaku i drejtpërdrejtë.
“Njerëzit mund të mendojnë se ëmbëltuesit artificialë janë zgjedhja më e shëndetshme dhe të konsumojnë më shumë seç kuptojnë”, ka thënë dietologia Dell Stanford.
Ajo ka shtuar se ky studim nuk do të thotë që duhet kthyer te sheqeri, por se duhet ul konsumin e ushqimeve dhe pijeve të përpunuara.