-
Превод: Вита Абраши-Кајтази
- 7 август 2026 11:10 ч
- Споделете на:
Метрополитен музејот на уметност (Мет) во Њујорк објави дека неговата пролетна изложба 2027 година, „МЕТ Гала“, ќе биде посветена на британскиот дизајнер Џон Галијано, едно од најважните имиња во модата.
Меѓутоа, Ен-Ен напиша дека одлуката предизвикала контроверзии, поради антисемитските и расистичките коментари што Галијано ги дал во 2010 година.
По објавувањето на видео во кое тој даваше навредливи забелешки и го фали Адолф Хитлер, Галијано беше отпуштен од Диор, прогласен за виновен од француски суд и помина неколку години подалеку од светот на модата. Подоцна се врати како креативен директор на брендот, Maison Margiela, обновувајќи ја својата кариера.
Мет објави дека изложбата, насловена како „Џон Галијано: Хоризонти“, нема да го занемари минатото на дизајнерот.
Според претставниците на музејот, изложбата ќе испита како треба да се гледа на уметничките достигнувања заедно со етичката одговорност.
исто така
Враќањето на Галијано
Кураторот на изложбата, Ендру Болтон, изјави дека таа ќе се осврне и на влијанието на Галијано врз модата и на последиците од неговото однесување.
„Изложбата ќе покаже како Галијано го промени светот на модата, но и како неговите постапки и нивните последици го променија начинот на кој ја гледаме неговата работа“, рече Болтон.
Галијано оттогаш се извини за своите изјави. Во документарецот „Високо и ниско: Џон Галијано“, тој ги опиша како „одвратно и срамно нешто што го направив“.
Тој призна дека во тоа време страдал од зависност од алкохол и дрога.
Сепак, не сите веруваат дека треба да биде почестен со таква изложба. Нејт Волфсон, од американската организација „Нексус проект“, рече дека е важно минатото на дизајнерот да не се разводнува.
исто така
Зара соработува со Џон Галијано за нови колекции
„Нашата надеж е дека изложбата нема да го крие минатото за да ѝ го олесни на јавноста. Наместо тоа, треба да го стави во центарот на вниманието, за луѓето да разберат колку било вознемирувачко и какви напори се вложени за покајание и промена“, рече Волфсон.
Од друга страна, модните експерти признаваат дека Галијано останува еден од највлијателните дизајнери во последните децении.
„Дали го заслужува тоа како личност? Тоа е дискутабилно. Дали го заслужува тоа како дизајнер? Без сомнение“, рече новинарката за мода и култура со седиште во Париз, Дана Томас.
Дури и поранешната главна уредничка на престижниот „Вог“, Ана Винтур, долгогодишна поддржувачка на Галијано, ја бранеше одлуката на Метрополитен музејот.
исто така
Лопез: „Мет Гала“ 2024 беше иконски момент, но и тежок период за мене
„Нема никој подостоен за изложба од ваков размер од Џон Галијано. Изложбата нема да се плаши од темнината на неговото минато. И тоа е дел од историјата што го обликувала“, рече таа.
Се очекува изложбата да се отвори напролет 2027 година и, според CNN, има за цел да отвори поширока дебата: Може ли делото на еден уметник да биде ценето без да се заборават неговите грешки?
