-
Превод: Вита Абраши-Кајтази
- 9 јули 2026 09:00 часот
- Споделете на:
Ако сакате да го зголемите внесот на влакна и да се грижите за здравјето на срцето и дигестивниот систем, нутриционистите препорачуваат едноставен појадок: овесна каша во текот на ноќта со семе од чиа, напиша... Јадење добро.
Медитеранската исхрана, богата со зеленчук, овошје, интегрални житарки, мешунки, јаткасти плодови, семки, маслиново масло и риба, се смета за еден од најздравите начини на исхрана. Една од главните причини е нејзината висока содржина на влакна, кои ги хранат корисните бактерии во цревата и помагаат во заштитата на телото од болести.
Според нутриционистите, комбинацијата од овес, семе од чиа, бадемово млеко, густ јогурт, праски и јаткасти плодови обезбедува околу 11 грама влакна и 12 грама протеини во една порција, или приближно една третина од дневната количина на влакна што им е потребна на повеќето луѓе.
Зошто се препорачува овој појадок?
Поддржува здравјето на цревата
исто така
30 начини да консумирате повеќе растителни влакна
„Оваа комбинација помага во варењето на храната, го зголемува чувството на ситост и обезбедува одржлива енергија во текот на утрото“, објасни диететичарката Шила Патерсон.
Влакната од овес, семе од чиа, праски и ореви ги хранат корисните бактерии во цревата и помагаат во намалувањето на воспалението.
Го штити срцето
„Растворливите влакна се поврзани со нивото на штетни масти во крвта, односно холестерол, и помагаат во нивното отстранување од телото, намалувајќи го холестеролот (LDL) и триглицеридите“, вели диететичарот Вал Ворнер.
Исхраната богата со растителни влакна е поврзана и со поздрав крвен притисок, помал ризик од срцеви заболувања и подобра контрола на телесната тежина.
Го држи шеќерот во крвта под контрола
исто така
Дали овесната каша е здрава?
Комбинацијата од влакна, протеини и здрави масти го забавува варењето и апсорпцијата на шеќерот.
„Влакната, протеините и здравите масти се идеална комбинација за одржување на стабилно ниво на шеќер во крвта и избегнување на пад на енергијата во средината на утрото“, рече Ворнер.
„Додавањето влакна во оброците му помага на телото подобро да реагира на инсулинот, го зголемува чувството на ситост и го намалува ризикот од прејадување“, вели Бријана Ример.
Други алтернативи богати со растителни влакна
Доколку не преферирате овесни снегулки што се чуваат преку ноќ, диететичарите предлагаат и: грчки јогурт со рикота сирење, бобинки, семе од чиа и бадеми, леб од цело зрно со авокадо, урда со зеленчук и печен наут, чинија од цело зрно, јајца, авокадо и зеленчук, домашен смути од спанаќ, банана, манго и ананас, прелиен со грчки јогурт или протеински прав.
Експертски совети
исто така
Храна број еден за долговечност
Експертите препорачуваат постепено зголемување на внесот на влакна и секогаш придружено со доволно консумирање вода.
Појадок богат со растителни влакна, протеини и здрави масти не само што го подобрува варењето на храната и здравјето на срцето, туку ве држи сити подолго време и помага во стабилизирање на нивото на шеќер во крвта во текот на денот.
