Суд во Германија пресуди дека производителот на чоколадо Милка ги измамил потрошувачите со намалување на количината на чоколадото „Алпенмилх“, а пакувањето го задржал речиси исто, пишува Би-Би-Си.
Случајот, кој се смета за еден од најважните судења против феноменот познат како „скратена инфлација“, се одржа во регионалниот суд во Бремен, а го покрена организацијата за заштита на потрошувачите во Хамбург.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеСпоред тужбата, компанијата Mondelez International ја намалила тежината на класичното чоколадо „Alpenmilch“ од 100 на 90 грама, без да направи никакви видливи промени на пакувањето, што ги навело потрошувачите да веруваат дека производот е ист.
Судот утврди дека оваа практика го крши законот за конкуренција и ги измамува купувачите.
Скратената инфлација е феномен што често го користат производителите за да се справат со растечките трошоци преку намалување на количината на производот без многу да ја променат цената. Британската организација за потрошувачи Which? ја опиша практиката како „подмолна тактика“.
Цените на чоколадото нагло пораснаа во последните години поради глобалниот пораст на цените на какаото, по слабите жетви во Западна Африка.
Од друга страна, „Монделез Интернешнл“ изјави дека потрошувачите во Германија биле известени за промената преку нивната официјална веб-страница и социјалните медиуми, тврдејќи дека одлуката е последица на повисоките трошоци во синџирот на снабдување.
Сепак, реакциите на потрошувачите беа жестоки. Минатата година, чоколадото Милка Алпенмилх беше прогласено за „лажно пакување на 2025 година“ во Германија.