89-годишникот влегува во Гинис како најстариот сурфер на светот

Еден 89-годишник влезе во Гинисовата книга на рекорди како најстариот човек на светот кој сурфал, напиша Упи.

Сеичи Сано рече дека бил инспириран да продолжи да сурфа по искачувањето на планината Фуџи на 80-годишна возраст и дека со овој спорт се занимава веќе неколку години.

„Порано работев со менаџер на банка кој има многу темна кожа. Мислев дека е играч на голф, но кога го прашав тој рече дека е сурфер“, изјави тој.

Рече дека сурфањето сред море е опасно, но има голема желба да продолжи додека може.