Поранешни студентски сенатори бараат општи избори во УП

Три дена по разрешувањето на Насер Сахит од ректорската функција, Управниот совет на Универзитетот во Приштина го отвори конкурсот за оваа функција.

Конкурсот ќе трае петнаесет дена, а право на учество имаат професори кои никогаш не биле дел од политичките партии.

Поранешните студентски сенатори, кои бараат општи избори на Универзитетот во Приштина, го изразија своето противење на натпреварот, бидејќи, според нив, членовите на водечките позиции немаат кредибилитет.

„Денес, кога на едната страна го имаме составот на Сенатот кој избира скандалозни и политички членови на Управниот совет и на другата страна назначувањето на братучедот на претседателот за заменик на ректорот, кој нема ниту еден цитат, единствено решение е она од 2015 година - општите избори на Универзитетот“, рече Арбр Гецај, претставник на студентските организации УДС-УСПЕ-ОПС-ПС.

Управниот совет на денот на разрешувањето на ректорот одржа седница за работата на раководството на УП, која ја оценија како слаба и без стратегија.

Е, Сахити одби да учествува на овој состанок со образложение дека е незаконски и го доведе во прашање кредибилитетот на членовите на Советот за оценување на неговата работа.

Тој рече дека новоизбраниот член на Советот Селим Безерај е осомничен за плагијат.

Поранешните сенатори велат дека се е испланирано од изборите за новите членови на Управниот совет.

„Во јуни годинава се одржаа избори за нови членови на Управниот совет на УП. Како студентска организација бевме претставени со 7 студентски сенатори во Сенатот на УП, така што имавме 7 членови со право на глас. На денот на гласањето, поради пресметките на различни кланови спонзорирани од Министерството за образование, не ни беше дозволено да учествуваме во процесот на гласање“, рече Гецај.

По две години на чело на Ректоратот, Сахити во петокот беше разрешен со 9 гласа „за“ и 1 воздржан.

До крајот на конкурсниот процес в.д ректор ќе биде Луљета Плаколи-Касуми.