Портпаролот на Агенцијата за храна и ветеринарство на Косово, Ламир Тачи, изјави дека се преземени дополнителни активности за отстранување на сомнежите за пилешкото месо кое потекнува од Бразил, откако во Албанија беа пронајдени осум тони месо загадено со салмонела. Тачи вели дека АУВ извршила дополнителни проверки на увозот и на продажните места, земајќи мостри за тестирање. Сомнителните количини се повлечени и блокирани до објавување на резултатите
По откривањето на осум тони месо загадено со салмонела во Албанија, со потекло од Бразил, Агенцијата за храна и ветеринарство (АУВ) презеде акција за отстранување на сомнежите за овој вид пилешко месо.
Портпаролот на АУВ, Ламир Тачи, за Економија онлајн изјави дека се извршени дополнителни проверки на увозот и на продажните места со земање мостри за тестирање.
„Агенцијата за храна и ветеринарство преку инспекциски органи ги презеде сите извршни дејствија за отстранување на сомнежите за месото со потекло од Бразил. По издавањето на уредба за дополнителни контроли, при увоз пристигнаа 7 товари. Од секој товар земен е примерок, каде што според процедурата може да се блокираат товарите до пуштање на резултатите од внатрешната контрола на два, на два контролни пунктови. земени се мостри од различни лотови производство“, рече Тачи.
Количините за кои се вршат микробиолошки испитувања, вели Тачи, се повлечени и блокирани до објавување на резултатите, како и преземени други активности.
„Извршен е увид и во магацинот на економскиот оператор увозник, каде покрај мерката привремена забрана за пуштање на производот на залиха, земена е мостра за испитување. Сите мостри се собрани од граничните точки и внатрешната контрола. Тие се во лабораторија и процесот на тестирање е започнат“, рече портпаролот на АУВ. „За моментот на издавање на резултатите сега не можеме да дадеме ниту рок, ниту датум. Се зависи од динамиката на процесот на тестирање од лабораторијата. Во првиот момент на издавање на резултатите ќе ја информираме јавноста со наодите.
Тачи најави дека резултатите од тестовите се очекуваат во наредните денови.
Пред една недела во Албанија беа откриени 8 тони загадено месо со потекло од Бразил.
Пилешкото месо загадено со салмонела претставува закана по здравјето, бидејќи инфекцијата со салмонела може да предизвика треска и дехидрација.
Лекарите велат дека овие симптоми се појавуваат 8 до 72 часа по конзумирањето на заразено месо.
