Вечерва завршува 9-тото издание на фестивалот за анимиран филм „Анибар“, кој седум дена по ред се одржува во градот Пеќ.
На свеченото затворање на овој фестивал ќе бидат доделени награди за најдобрите филмови, пишува Коха.нет.
Меѓу наградите што ќе бидат доделени вечерва се: наградата за „Најдобар меѓународен филм“, „Најдобар филм од Балканот“, „Најдобар филм за музичко видео“, „Најдобар филм за студенти“, како и „Награда од публиката“ .
„Темата на ова издание е многу посебна. Имаше презентации од Косово и од познати меѓународни режисери. Исто така, имаше голем број презентации на главната тема „панелот 50/50“ за родова еднаквост и за поголема вклученост на жените во анимацијата“, изјави Вулнет Санаја, извршен директор на „Анибар“.
„Друга посебна карактеристика на ова издание беа големиот број работилници. Во ова издание имавме вкупно четири работилници кои се одржаа во текот на ова издание, особено за развивање на вештините на младите во анимација“, додаде Санаја.
Во ова издание се прикажани над 200 филмови. Овие филмови беа прикажани на четири локации.
