--- description: Baleti Kombëtar i Kosovës nuk ka shkuar në pushim midis sezonesh, pa lënë edhe një shenjë në skenë. E këtë e ka bërë në Portugali. U stacionua në Gadishullin Ib title: Publiku portugez njeh Baletin e Kosovës me “Aeon” image: https://resources.koha.net/images/2024/July/30/36893eda-a240-45f8-84c5-dfa3da7b26e1.webp?w=1200&r=fill&q=80 --- --- Mbështete KOHËN. Ruaje të vërtetën [Kontribuo](https://www.koha.net/na-mbeshtetni?utm_source=koha&utm_medium=website&utm_campaign=crowdfunding&utm_content=top) [Letër lexuesit](https://www.koha.net/leter-nga-redaksia) × ![](https://www.koha.net/assets/favicon/android-icon-192x192.png?v=2.0.0) **KOHA** Lajmet e fundit, gjithmonë me ju Instalo Kulturë # Publiku portugez njeh Baletin e Kosovës me “Aeon” ![Baleti "Aeon"](https://resources.koha.net/images/2024/July/30/36893eda-a240-45f8-84c5-dfa3da7b26e1.webp?q=80&w=860&h=550&r=fill) Në kinoteatrin që mban emrin e Mbretit portugez John V, i njohur ndryshe si mbreti i Diellit, “Aeoni”, forca jetike e momentumi i përkthyer në hapa e lëvizje nga koreografi portugez, Daniel Cardosoe ka përfaqësuar Baletin Kombëtar të Kosovës - Nga: [Enis Bytyqi](https://www.koha.net/autori/enis-bytyqi/articles) [![Enis Bytyqi](https://resources.koha.net/author/2023/November/16/enis11700166924.jpg?w=100&h=100&r=fill&q=80)](https://www.koha.net/autori/enis-bytyqi/articles) - 31 korrik 2024 11:00 - Shpërndaje në: - Nga: [Enis Bytyqi](https://www.koha.net/autori/enis-bytyqi/articles) [![Enis Bytyqi](https://resources.koha.net/author/2023/November/16/enis11700166924.jpg?w=100&h=100&r=fill&q=80)](https://www.koha.net/autori/enis-bytyqi/articles) - 31 korrik 2024 11:00 - Shpërndaje në: ## Fiks një muaj pas premierë në shtëpi, Baleti Kombëtar i Kosovës me “Aeon” nën koreografi të Daniel Cardosoes, ka fluturuar në vendlindjen e koreografit. “Shfaqja është pritur jashtëzakonisht mirë nga një audiencë masive në një teatër mjaft prestigjioz të Portugalisë dhe komentet ishin prej më të mirave për performancën e balerinëve tanë, por edhe për shfaqjen si krijim”, ka thënë të martën për KOHËN drejtori i Baletit të Kosovës, Sinan Kajtazi Baleti Kombëtar i Kosovës nuk ka shkuar në pushim midis sezonesh, pa lënë edhe një shenjë në skenë. E këtë e ka bërë në Portugali. U stacionua në Gadishullin Iberik, në Amadora, një qytet rrëzë Lisbonës. Në stil me natyrën e popullit portugez, njashtu me ngrohtësi e kishte pritur edhe audienca portugeze. Në kinoteatrin që mban emrin e mbretit portugez, John V, i njohur ndryshe si mbreti i Diellit, “Aeoni”, forca jetike e momentumi i përkthyer në hapa e lëvizje nga koreografi portugez, Daniel Cardosoe, e luajtur qe edhe një paraqitje e radhës e suksesshme.  “Shfaqja është pritur jashtëzakonisht mirë, nga një audiencë masive në një teatër mjaft prestigjioz të Portugalisë dhe komentet ishin prej më të mirave për performancën e balerinëve tanë, por edhe për shfaqjen si krijim”, ka thënë të martën për KOHËN, drejtori i Baletit të Kosovës, Sinan Kajtazi, i cili në “Aeon” merr pjesë si balerin e muzikant. Këtë paraqitje në Portugali e ka quajtur si një sukses të jashtëzakonshëm që do të mbetet në historinë e Baletit të Kosovës.  “Aeoni”, më 27 qershor ishte dhënë premierë në “shtëpi” në atë që është bërë shtëpia e përkohshme e Teatrit Kombëtar të Kosovës në Amfiteatrin e Pallatit të Rinisë, përderisa objekti i TKK-së këtë muaj ka hyrë në vitin e dytë prejse është mbyllur. Tek në maj është miratuar projekti restaurues, çmimi i të cilit prek 7 milionë euro. Skenografia me ndriçim të zbehtë, e mjegulluar me tymin skenik, atmosfera eterike, kostumet bashkë me mistiken në to janë peizazhi që i lë rrugë koreografisë krejt poetike, e cila paraqet mesazhe të thella në të. Në fakt si kompozicion i tërë e gjithë shfaqja ngjan në një orë rëre, gjatë së cilës u hapet rrugë lëvizjeve abstrakte e projektimit të ndjesive nëpërmjet turpit. E “fadoja” ikonike e Lisbonës, e cila është pjesë integrale e shfaqjes “Aeon” duket të jetë mirëpritur nga publiku portugez. Në një video të publikuar në llogarinë e Baletit Kombëtar të Kosovës pas performancës shihet publiku duke i duartrokitur pareshtur për tre minuta me radhë deri në rënien e perdeve. Mesazhi final i koreografisë – i cili del të jetë në fund pyetja se sa e veçantë do të ishte në rast se njerëzit do të kishin aftësinë ta ndalonin kohën – depërtoi edhe në vendlindjen e koreografit.  Tetëmujori i këtij viti shënon edhe me një arritje tjetër për BKK-në.  “Vetëm brenda muajit qershor të këtij viti ne kemi arritur që të realizojmë tetë shfaqje, marrë parasysh këtu specifikat e sfidat e gjithsecilës prej tyre”, ka shtuar ai.  [Edhe ![“AEON” lufton me kohën indiferente ndaj njeriut](https://resources.koha.net/images/2024/July/05/ea567b86-09e9-4375-bf47-fecd2d4e3bff.webp?w=100&h=100&r=fill&q=80) EXPRESS 5 kor 2024 “AEON” lufton me kohën indiferente ndaj njeriut](https://www.koha.net/express-ktv/aeon-lufton-me-kohen-indiferente-ndaj-njeriut) Por përkthyer në statistika, BKK-ja ka mbajtur tempin përkundër sfidave me të cilat përballet. Vetëm në gjashtëmujorin e parë realizoi katër premiera. “REBOUNDS – A Basketball Ballet” kishte qenë premiera e parë për këtë vit si një prurje përtej baletit klasik e mu në esencë të bashkëkohores, që u dha në shkurt të këtij viti. Disa muaj më vonë, në maj do të ngjante dhe një premierë në një kontinent krejt tjetër. Në teatrin St.Jean në Manhattan të New Yorkut, trupa e Baletit Kombëtar të Kosovës do të paraqitej me premierën e baletit “Tango Nights” me koreografi të Chiara Ajkun. Në muajin qershor në vazhdën e kremtimeve shtetërore të 25-vjetorit të Çlirimit u paraqit edhe në teatrin “Du Gymnase Marie Bell” të Parisit. Nën patronazhin e Ambasadës së Republikës së Kosovës në Paris, BKK i dha vulë edhe një paraqitjeje tjetër të suksesshme në radhë me shumë të tjera. Ishte shfaqja “Time”, me koreografi të Taulant Shehut. Në prill të po këtij viti në edicionin e tretë të “Albanian Dance Competition, Creativity&Interpretation” në Elbasan, me të njëjtën shfaqje, Baleti Kombëtar i Kosovës ishte shpërblyer me vendin e parë për koreografinë më të mirë. E duket se nuk ka plane që ky hov të ndalet, synimet janë që programi veç se të pasurohet edhe më shumë, e rrugëtimi të ngjeshet me stacione të tjera ndërkombëtare. Sezoni i ri i Baletit Kombëtar nis në muajin shtator me premierën “Tango Nights”, e data 23 e atij muaji do t’i gjejë në një kontinent të largët. BKK-ja do të paraqitet në kuadër të Festivalit Botëror të Vallëzimit në Korenë e Jugut. Në fillim të tetorit nisin provat e një premiere tjetër, ndërkaq muaji i fundit i vitit do t’i zërë në përgatitje për “Arrëthyesin”, i cili kishte premierën në Kosovë vitin e kaluar, e tani synohet që të kthehet tradicionalisht çdo fundvit. [#Baleti Kombëtar i Kosovës](https://www.koha.net/tag/baleti-kombetar-i-kosoves) [#Baleti](https://www.koha.net/tag/baleti) [#Sinan Kajtazi](https://www.koha.net/tag/sinan-kajtazi) [#AEON](https://www.koha.net/tag/aeon) Artikuj të ngjashëm - [![“Aeon” lufton me kohën e pakthyeshme e indiferente ndaj njeriut](https://resources.koha.net/images/2024/June/29/e1d9d352-b9e7-4765-9663-f34bf9c86f17.webp?w=100&h=100&r=fill&q=80) Kulturë 29 qer 2024 “Aeon” lufton me kohën e pakthyeshme e indiferente ndaj njeriut](https://www.koha.net/kulture/aeon-lufton-me-kohen-e-pakthyeshme-e-indiferente-ndaj-njeriut) - [![Baleti Kombëtar e nis vitin në Berlin me “Rebounds: A BasketBallet”](https://resources.koha.net/images/2025/January/05/7e494672-f160-4a75-920f-3c45ec91fe3e.webp?w=100&h=100&r=fill&q=80) Kulturë 6 jan 2025 Baleti Kombëtar e nis vitin në Berlin me “Rebounds: A BasketBallet”](https://www.koha.net/kulture/baleti-kombetar-e-nis-vitin-ne-berlin-me-rebounds-a-basketballet) - [![Arritja deri në Korenë e Jugut – motivim e energji për Baletin](https://resources.koha.net/images/2024/October/04/3ebfe84f-dab1-4862-afcc-6fc565eb55b7.webp?w=100&h=100&r=fill&q=80) Kulturë 5 tet 2024 Arritja deri në Korenë e Jugut – motivim e energji për Baletin](https://www.koha.net/kulture/arritja-deri-ne-korene-e-jugut-motivim-e-energji-per-baletin) - [![Baleti drejt Koresë së Jugut me traditën gjysmëshekullore](https://resources.koha.net/images/2024/September/23/ef75e571-e1f4-483f-9191-8ad3ef8609a2.webp?w=100&h=100&r=fill&q=80) Kulturë 24 sht 2024 Baleti drejt Koresë së Jugut me traditën gjysmëshekullore](https://www.koha.net/kulture/baleti-drejt-korese-se-jugut-me-traditen-gjysmeshekullore) [Shtojca për Kulturë.]() [Epika si strukturë vizuale dhe semantike në veprën piktorike të Gani Sadikut](https://www.koha.net/shtojca-kulture/epika-si-strukture-vizuale-dhe-semantike-ne-vepren-piktorike-te-gani-sadikut) [Futboll.]() [Enis Rexhepi në Prishtinë: Për Kosovën vendosa me zemër](https://www.koha.net/futboll/enis-rexhepi-ne-prishtine-per-kosoven-vendosa-me-zemer) [Arbëri.]() [Ramajli për 2 Korrikun: Kuvendin e Kosovës e kishin rrethuar policë të armatosur, na i morën kompetencat](https://www.koha.net/arberi/ramajli-per-2-korrikun-kuvendin-e-kosoves-e-kishin-rrethuar-police-te-armatosur-na-i-moren-kompetencat) [Futboll.]() [Zeneli shkëlqen para grumbullimit me Suedinë](https://www.koha.net/futboll/zeneli-shkelqen-para-grumbullimit-me-suedine) [Arbëri.]() [Surroi: Deklarata e 2 Korrikut nuk ishte iniciativë e udhëheqjes politike, por e vetë delegatëve](https://www.koha.net/arberi/surroi-deklarata-e-2-korrikut-nuk-ishte-iniciative-e-udheheqjes-politike-por-e-vete-delegateve) [Arbëri.]() [Ramajli rrëfen takimin me Millosheviqin: Më tha se kush e kalon murin e Serbisë, do ta dëmtojë kokën](https://www.koha.net/arberi/ramajli-rrefen-takimin-me-millosheviqin-me-tha-se-kush-e-kalon-murin-e-serbise-do-ta-demtoje-koken) ```json {"@context":"https://schema.org","@type":"NewsArticle","headline":"Publiku portugez njeh Baletin e Kosovës me “Aeon”","mainEntityOfPage":"https://www.koha.net/kulture/publiku-portugez-njeh-baletin-e-kosoves-me-aeon","datePublished":"2024-07-31T11:00:00+02:00","dateModified":"2026-07-11T14:45:04+02:00","articleSection":"Kulturë","wordCount":839,"author":[{"@type":"Person","name":"Enis Bytyqi","url":"https://www.koha.net/autori/enis-bytyqi/articles"}],"publisher":{"@type":"Organization","name":"KOHA.net","url":"https://www.koha.net/","logo":{"@type":"ImageObject","url":"https://www.koha.net/assets/images/Koha_Logo.svg"}},"description":"Baleti Kombëtar i Kosovës nuk ka shkuar në pushim midis sezonesh, pa lënë edhe një shenjë në skenë. E këtë e ka bërë në Portugali. U stacionua në Gadishullin Ib","url":"https://www.koha.net/kulture/publiku-portugez-njeh-baletin-e-kosoves-me-aeon","keywords":"Baleti Kombëtar i Kosovës, Baleti, Sinan Kajtazi, AEON","inLanguage":"sq-AL","image":"https://resources.koha.net/images/2024/July/30/36893eda-a240-45f8-84c5-dfa3da7b26e1.webp?w=1200&r=fill&q=80"} ```