Во Сан Себастијан е добредојдена светската премиера на филмот „Студен ноември“.

Синоќа на 66. издание на Меѓународниот филмски фестивал во Сан Себастијан се одржа светската премиера на играниот филм „Студен ноември“ во режија на Исмет Сијарина. Реакцијата на јавноста беше извонредна, со долги аплаузи, соопштуваат од Кинематографскиот центар на Косово (ККК).

Ова е првиот филм од Косово на Меѓународниот филмски фестивал во Сан Себастијан, многу важен и меѓународен фестивал од категорија А.

Филмот го следи Фадил, кој работи како архивар во државно претпријатие, во Косово во раните 90-ти, и мора да избере помеѓу две погрешни опции. На тој начин тој против своја волја и желба го „голта“ срамот, се соочува со лошата слика и трпи притисок од сите страни.

Филмскиот проект „Студен ноември“ е продукција на филмските куќи „Плаци горе“ и „Бука“ во копродукција со Албаски филм, АУДИОХАУС и Иконе и е поддржан од Кинематографскиот центар на Косово и Националниот кинематографски центар на Албанија.

Во главните улоги се појавуваат актерите: Куштрим Хоџа, Адријана Матоши, Фатмир Спахиу Буфи, Емир Хаџихафизбеговиќ, Гордана Бобан, Меј-Линда Косумовиќ и Лум Весели, додека сценариото го напишаа: Аријан Красниќи и Исмет Сијарина. директорка на фотографија Севдије Кастрати, монтажа Владимир Павловски, музика Јерихо, продуценти Фатмир Спахиу, Аријан Красниќи, режија Исмет Сијарина.

{галерија}