-
Од:
Гардијан
-
Превод: Едона Бинаку
- 23 јули 2024 20:38 часот
- Споделете на:
Откако ја зграпчи сребрената монета од 17 век, Ил Сартузи го стави оригиналниот артефакт во кутијата за донации во музејот. Тој го смета овој чин како дело на концептуална уметност што го нарекува „Sleight of Hand“
Бразилскиот уметник направи неочекуван потег, земајќи историска монета од витрината во Британскиот музеј, која потоа ја стави во кутија за донации во фоајето на музејот. Сето ова беше дел од уметнички проект и настанот се случи неполна година откако се дозна дека стотици експонати исчезнале од Музејот.
Минатиот месец, концептуалниот уметник Ил Сартузи замени монета од англиската граѓанска војна за лажна како дел од проектот кој го истакнува големиот број странски предмети што ги чува Британскиот музеј. Тој изјави дека идејата да го направи овој чин му дошла кога видел волонтер од Музејот како им дава монети на посетителите за да набљудуваат. Сартузи ја побарал сребрената монета од 17 век бидејќи „тоа е една од ретките британски експонати во овој музеј“, и вешто ја заменил за лажна монета. Потоа ја ставил оригиналната историска монета во кутијата за донации на излезот од објектот.
Сартузи ја снимил целата оваа сцена, која подоцна ја раскажал преку видео создадено за неговата магистратура на Универзитетот „Голдсмитс“ во Лондон. Тој рече дека кражбата ја планирал повеќе од една година.
Видеото, снимено од тројца пријатели на уметникот, го открива моментот кога тој бил фатен од водич во Музејот, пред повторно да ја изврши кражбата следниот ден, објави весникот „Арт“.
Сартузи тврдеше дека ја избричил брадата за да избегне идентификација од обезбедувањето на музејот и дека можел да ги замени монетите со помош на брза акција.
исто така
Грабеж во друг музеј во Франција
Челниците на Британскиот музеј најавија дека за инцидентот ќе ја известат полицијата.
„Ова е разочарувачки чин кој ја злоупотребува услугата управувана од волонтери, која има за цел да им понуди на посетителите можност да допираат вистински предмети и да се вклучат во историјата“, рече портпаролот на Музејот. „Услугите како оваа се потпираат на основно ниво на човечка пристојност и доверба и би било штета да се ревидира обезбедувањето на овие услуги поради ваквите дејства“.
Според Сартуз, уметничките институции како Британскиот музеј и Лувр во Париз се сметаат себеси за сопственици на богатствата на човештвото.
„Проблемот е што овие институции се основата на империјалистичките култури кои ограбија многу од овие експонати од југот и другите земји во светот.
Монетата за која станува збор е од 1645 година и е кована во Њуарк, Англија. Поставката не е заведена во базата на податоци на Музејот, туку е дел од колекцијата создадена во 2000 година на историски предмети што им се нудат на посетителите да ги допрат, под надзор на волонтери.
Бразилскиот уметник и неговиот адвокат тврдат дека оваа акција, колку и да е несоодветна, не ги нарушува политиките на Музејот кои забрануваат ракување со предмети или нивно отстранување од просториите на музејот, ниту пак спаѓа под Законот за кражба од 1968 година.
Француските музеи се соочуваат со пораст на криминалот
Инцидентот излезе на виделина речиси една година по кражбата на стотици експонати, вклучувајќи монети и накит од колекцијата на Британскиот музеј, што доведе до оставка на неговиот директор, Хартвиг Фишер, кој на ниту еден начин не беше вклучен во кражбата. Раководителите на музејот отпуштија и вработен и наредија засилување на безбедносните мерки.
Сартузи рече дека скандалот е „случајност“. Тој тврди дека Британскиот музеј бил „фундаментален дел од колонијалниот, империјалистички систем“ и истакна дека монетата што ја разменил била единствената од британско потекло изложена во тоа време.
Британскиот музеј беше под истрага за тоа како присвоил некои од артефактите што ги изложува, додека неколку земји побараа експонатите да им бидат вратени. Тие вклучуваат неколку мермерни и бронзени скулптури на Партенон, ограбени од британските трупи во 1897 година од поранешното западноафриканско кралство Бенин.
