Едно лице го загуби животот во сообраќајна несреќа на автопатот Мазгит-Приштина, соопшти портпаролот на косовската полиција, Баки Келани.
Несреќата се случила околу 13 часот, кога камион изгубил контрола и се превртел. Возачот на камионот го загубил животот. Неговата смрт ја констатирала медицинската екипа на местото на настанот.
„Денес, околу 13:00 часот, на делницата од автопатот Мазгит-Приштина, се случи сообраќајна несреќа со смртни последици. Во оваа несреќа учествуваше тешко возило, камион, кое се преврте. Како резултат на оваа несреќа, животот го загуби возачот на камионот, чија смрт ја констатира медицинската екипа. Покрај полициските единици кои се занимаваат со случајот, на местото на настанот пристигнаа и медицинска екипа и противпожарната служба“, објави Келани.