Косовската полиција објави дека започнала истрага за смртта на 26-годишен маж, чие тело беше пронајдено во недела наутро на автопатот „Арбен Џафери“, во близина на селото Боб во Качаник.
Според полицискиот извештај, полициските власти пристигнале на местото на настанот, каде што истражителите утврдиле дека смртта на лицето со иницијали И.Х. не настанала како последица на несреќата.
Случајот е покренат како „истрага за смрт“, а за овој случај е известен и обвинителот за тешки кривични дела од Основното обвинителство на Урошевац.
„На 08.06.2025 година, околу 13:15 часот, од граѓанин бевме известени за пронаоѓање на безживотното тело на жртвата И.Х. (М/Ж) на возраст од 26 години. Се сомнева дека жртвата претрпела сообраќајна несреќа околу 05:00 часот наутро на автопатот „Арбен Џафери“, во близина на село Боб, општина Качаник. Веднаш по добивањето на информацијата, на местото на настанот пристигнаа надлежните единици за автопатски сообраќај. По првичните прегледи од страна на сообраќајните истражители, беше утврдено дека смртта на жртвата не настанала како последица на несреќата. На местото на настанот пристигнаа и истражители од полициската станица Качаник, додека околу 16:45 часот беа ангажирани и Регионалните истраги и Регионалната форензика“, се вели во соопштението на полицијата на Фејсбук.
