Disa të dyshuar janë arrestuar të martën pasi Policia i ka kapur me marihuanë. Policët nga Sektori Qendror për Hetimin e Narkotikëve kishte lokalizuar dhe vënë nën vëzhgim dy automjete që dyshohej se po transportonin substanca narkotike nga Prishtina në drejtim të Mitrovicës.
Gjatë tentativës për ndalim, të dyshuarit nuk u janë bindur urdhrave zyrtar, me ç’rast kanë goditur zyrtarët policorë në uniformë, ku me qëllim të neutralizimit të rrezikut zyrtarët policorë kanë përdorur armën zyrtare.
Automjetet e dyshuara janë ndaluar dhe gjatë kontrollit në njërën nga to është gjetur dhe sekuestruar rreth 3 kg substancë e dyshuar narkotike e llojit marihuanë.
Policia njoftoi se janë realizuar edhe tri bastisje në lokacione të ndryshme, ku në cilësi të provave relevante për rastin po ashtu janë sekuestruar 0.7 gram substancë e dyshuar narkotike po ashtu e llojit marihuanë, dy automjete dhe dy telefona celularë.
Personat e dyshuar pas arrestimit dhe nënshtrimit ndaj procedurave të tjera ligjore janë dërguar në mbajtje për 48 orë.
-
Операција против дрога доведе до апсење на 4 лица, едно за кибер криминал
-
Полициска операција - сомнение за трговија со дрога, организиран криминал и перење пари
-
Српски државјанин приведен во Брњак, се обидел да поткупи полицајци
-
Поставување знамиња на оградите на православна црква во Липјан, две лица се придружувани од полицијата
-
Пет лица уапсени по тепачка во Феризај