Косовската полиција уапси две лица во четвртокот во Приштина, откако кај нив биле пронајдени пакувања со марихуана.
Според соопштението, Единицата за борба против дрога извршила полициска акција во населбата „Мухаџерови“, каде што е приведен А.Б. откако во автомобилот и станот му биле пронајдени и одземени над 200 грама марихуана, додека Ш.И. бил сослушан во улога на сведок.
Покрај дрогата, од пријавените била одземена и дигитална вага, две пакувања метална фолија и телефон.
На А.Б., по наредба на обвинител му е одредена мерка притвор во траење од 48 часа.
„Косовската полиција останува посветена на борбата против дрогата и организираниот криминал, со преземање конкретни мерки за спречување и казнување на незаконските активности, како и изведување на сите инволвирани лица пред лицето на правдата“, се вели во полициското соопштение.
