Косовската полиција соопшти дека лицето кое е осомничено дека му помагало на Фатон Хајризи, по бегството од затворот Смреконица во Вучитри, пред две недели добило 48 часа притвор.
Фатон Хајризи побегна од затворот во Смреконица на 6 јули и стана деветти пат како бега од косовските затвори. Властите во Србија во петокот соопштија дека го убиле, вториот ден откако застрела еден полицаец, а рани друг додека се обидуваше да ја премине границата во Босна и Херцеговина.
„Косовската полиција, Управата за истраги за организиран криминал и тешки кривични дела спроведе увид во врска со бегството што се случи пред неколку дена во Воспитно-поправниот дом во Смреконица. Во пресрет на истражните дејствија, денеска на 20.07.2024 година, на разговор е повикано машко лице од Косово, кое се сомничи дека му помогнало на осомничениот по бегството од Воспитно-поправниот дом во Смреконица. За сите истражни дејствија консултиран е надлежен обвинител со чија одлука на осомничениот му е одредена мерка притвор во траење од 48 часа“, информираа во саботата за КОКХЕ од Дирекцијата за информирање на косовската полиција.
И еден ден по убиството на Хајризи, министерот за правда, Албулена Хаџиу ја обвини Србија дека имала рака во некои од бегствата од косовските затвори.
Министерот за внатрешни работи на Србија, Ивица Дачиќ, претходно го обвини Косово за организирање на убиството на српскиот полицаец и Хајриз го нарече „албански терорист“. Според него, Хајризи бил дел од структурите на Косово.
Во меѓувреме, претседателот на Србија, Александар Вучиќ, пред еден ден изјави дека има многу чудни работи во целата историја на Хајриз, и дека бил под влијание на разни служби.
Косовскиот премиер Албин Курти повика на неполитизирање на случајот.
