Благодарение на меѓуинституционалната соработка, овозможено е локализирање на големи пожари во селото Чернуше во Митровица, соопшти во неделата косовската полиција.
Полицијата соопшти дека благодарение на поддршката на Косовските безбедносни сили и КФОР, пожарите денеска се локализирани во раните утрински часови.
Пожарите зафатија три различни локации во Митровица.
„Во селото Чернуше пожарот беше многу голем и зафати големи површини шума. За да се локализира пожарот, беа повикани да помогнат и единиците на КБС и КФОР, кои ја понудија својата помош и со персонал и со опрема. КФОР даде помош со хеликоптер за гаснење на пожарите“, се наведува во соопштението на полицијата.
Поради тоа што пожарите биле од опасни размери, полицијата евакуирала неколку семејства во Чернуше.
Случајот е поведен како „Причина од општ ризик“, додека увидот е во тек.
Полицијата апелира до граѓаните да бидат внимателни на овие топли температури бидејќи „секое мало невнимание може да предизвика пожари со непредвидливи последици“.
Соопштение за медиуми Митровица, 23 јули 2022 година Меѓуинституционалната соработка овозможува лоцирање...
Напишано од Косовската полиција on Недела, јули 24, 2022