Katër persona janë lënduar si pasojë e një aksidenti që ka ndodhur sot në Novosellë të Pejës.
Nga Policia e rajonit të Pejës kanë njoftuar se aksidenti ka ndodhur rreth orës 11:30 dhe në aksident janë përfshirë dy vetura civile, raporton "KosovaPress".
“Në aksident janë përfshirë dy automjete civile, ku përveç dëmeve materiale, lëndime trupore kanë pësuar katër persona, të cilët janë dërguar për trajtim mjekësor. Sipas personelit mjekësor gjendja e tyre shëndetësore është stabile-jashtë rrezikut për jetë”, u tha nga Policia.
Njësia Rajonale e Komunikacionit Rrugor është duke hetuar rrethanat e aksidentit.