Ushtruesja e detyrës së presidentes së Kosovës, Albulena Haxhiu, u ka bërë thirrje institucioneve në Kosovë që të marrin masa urgjente e konkrete për parandalimin e dhunës ndaj grave dhe mbrojtjen e tyre.
Reagimi i Haxhiut erdhi pasi në Prizren një grua 80-vjeçare u vra, ndërsa i dyshuari është bashkëshorti i saj 81-vjeçar. Vrasja e gruas në Prizren erdhi vetëm dy ditë pasi një grua shtatzënë në Malishevë u vra, ndërsa edhe në atë rast i dyshuari është bashkëshorti.
“Më tronditi lajmi për vrasjen e një gruaje 80-vjeçare në Prizren. Vetëm dy ditë më parë, një tjetër grua u vra, ndaj këto nuk mund të trajtohen si raste të izoluara. Mjaft më me vrasjen dhe dhunën ndaj grave! Jeta dhe dinjiteti i çdo gruaje duhet të mbrohen me çdo mjet. Kërkoj nga organet e drejtësisë hetim të plotë dhe të shpejtë dhe që autorët, të marrin dënimin më të ashpër të paraparë me ligj. Çdo rast duhet të zbardhet deri në fund, por po aq e rëndësishme është që dhuna të njihet dhe të ndalet para se të përfundojë në vrasje. Institucionet përgjegjëse duhet të ndërmarrin masa urgjente dhe konkrete për parandalimin e dhunës ndaj grave dhe mbrojtjen e tyre. Familjes së të ndjerës i shpreh ngushëllimet më të sinqerta”, ka shkruar Haxhiu në Facebook.
Осумдесетгодишна жена наводно била убиена од нејзиниот сопруг во Призрен
Осумдесетгодишна жена почина како последица на повреди за кои се сомнева дека се нанесени од...-
Сè што знаеме за убиството на бремената жена во Малишева - детали од Полицијата, Обвинителството и УЧКК
-
Двајца млади луѓе од Косово ги загубија животите во Шенѓин
-
Три лица уапсени за кражба во Гњилане и други региони, едно е албански државјанин
-
Осумдесетгодишна жена наводно била убиена од нејзиниот сопруг во Призрен
-
SPRK: Шехоли се обиде да влијае на изборите и планираше да го испразни Косово преку исламска радикализација