Dy grabitje të armatosura kanë ndodhur të premten në Prishtinë. Njëri rast ndodhi në një market në rrugën “Bill Clinton” ku punëtori i marketit ka raportuar se një i dyshuar me thikë i ka grabitur 250 euro.
Policia më pas ka arritur ta identifikojë dhe arrestojë të dyshuarin, i cili është dërguar në mbajtje.
Kurse në një pikë karburanti në rrugën “Hamzë Jashari” po ashtu një i dyshuar nën kërcënim ka grabitur 430 euro.
“Ankuesi mashkull kosovar, punëtor në një pikë karburanti, ka njoftuar se një person i dyshuar i panjohur nën kërcënim i ka grabit 430€ dhe ka ik në drejtim të panjohur. Nuk raportohet për të lënduar. Rasti vazhdon të hetohet”, thuhet në raportin e PK-së.