Një fëmijë është dërguar pa shenja jete në Spitalin Rajonal të Pejës mëngjesin e së martës.
Policia ka bërë të ditur se rasti është raportuar rreth orës 09:30, pasi Emergjenca e spitalit ka njoftuar autoritetet se ishte pranuar një fëmijë pa shenja jete.
Rasti ka ndodhur në fshatin Treboviq të Pejës.
“Më datën 29.09.2026, rreth orës 09:30, Policia është njoftuar nga Emergjenca e Spitalit rajonal në Pejë se është pranuar një fëmijë pa shenja jete. Njësitet policore menjëherë kanë dalë në vendin e ngjarjes, në fshatin Treboviq-Pejë, si dhe në Spitalin rajonal në Pejë, me qëllim të sqarimit të rrethanave që kanë të bëjnë me rastin. Lidhur me rastin është njoftuar Prokurori i Shtetit”, ka thënë për KOHËN, zëdhënësi policor Driton Rugova.
Me urdhër të prokurorit, trupi i pajetë i fëmijës u është liruar familjarëve për ceremoninë mortore.