Генералното собрание на ОН го одложи гласањето за резолуцијата за геноцидот во Сребреница што требаше да се гласа на 2 мај, потврди амбасадорот на Босна и Херцеговина во ОН, Златко Лагумџија.
Тој додаде дека текстот ќе биде испратен на ревизија, во случај земјите-членки да имаат некој друг предлог.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеОва е втор пат гласањето да се одложува, објавија босанските медиуми.
„Генералното собрание секако ќе биде по 6 мај, во зависност од распоредот на седниците. Во оваа одлука учествуваше и мисијата на Босна и Херцеговина во ОН, која рече дека им треба време или да бидат поспремни за подобро да ја разберат“, изјави тој.
Резолуцијата за Сребреница беше иницирана да се прогласи 11 јули за Меѓународен ден на сеќавање на жртвите на геноцидот во Сребреница во 1995 година.
За спонзорирање на оваа резолуција се залагаа 22 земји, меѓу кои Албанија, САД, Велика Британија, Канада, Чиле, Финска, Франција, Германија, Италија, Јордан, Литванија и други.