Брајан Груда и официјално е фудбалер на Брајтон од англиската Премиер лига.
Брајтон го официјализираше офанзивниот играч за врска во средата навечер.
Тој беше прекомандуван од Мајнц од германската Бундес лига.
Груда со англискиот тим потпиша договор до јуни 2028 година.
„Многу сум задоволен што имам можност да работам со Брајан. Го видов големото влијание што го имаше во Бундеслигата минатата сезона и тој е играч на кој многу му се восхитувам. Премиер лигата ќе биде поинаков предизвик, но едвај чекам да почнам да работам со него и да му помогнам да го развие големиот потенцијал што го има“, изјави тренерот Фабијан Хурцелер.
За услугите на Груда зборуваше и техничкиот директор на англискиот клуб Дејвид Веир.
„Среќни сме што го доведовме Брајан во клубот. Тој е играч кој го следиме долго време и веќе игра на високо ниво во Бундеслигата. Тој е играч кој Фабијани добро го познава и едвај чека да почне да работи со него“, изјави Веир.
20-годишниот фудбалер дебитираше со првиот тим на Мајнц минатата сезона, кога настапи на 28 натпревари во Бундеслигата.
Придонесе за спас на клубот од испаѓање од германската елита, со четири гола и три асистенции.
Брајан, чиј татко играше во Купот на УЕФА за Влазнина Скадар, ја започна својата кариера во младинскиот тим на ФК Шпајер, пред да се приклучи на Карлсруер во 2015 година, каде што помина три сезони, пред да се приклучи на Мајнц во 2018 година.
Во Бундеслигата, Груда дебитираше во 2023 година како 18-годишник против Борусија Дортмунд.
Од 15-годишна возраст има настапувано за сите возрасни групи на Германија.
Има седум настапи со германските играчи до 21 година.
Претходно оваа година тренираше со Германија, пред почетокот на ЕП 2024 година.
Трансферот на Груда, според „Би-Би-Си“, Брајтон го чинел околу 30 милиони евра.
