Zinedine Zidane e ka festuar në mënyrë të veçantë golin e fitores së Francës ndaj Belgjikës.
Franca të hënën e mposhti Belgjikën me rezultatin 1:0, në ndeshjen e dytë të grupit A1 të Ligës së Kombeve.
Pas golit të Michael Olises në minutat e fundit, selektori francez vrapoi me entuziazëm përgjatë vijës së fushës dhe goditi një top që ishte aty.
54-vjeçari Zidane ishte i kënaqur me paraqitjen e ekipit.
“Jam shumë i kënaqur me atë që bëri skuadra, jo vetëm me topin”, tha ikona e futbollit.
Zidane vlerësoi sidomos presionin e ushtruar ndaj Belgjikës, duke thënë se përfaqësuesja ishte e guximshme dhe nuk kishte frikë të luante në fushën e kundërshtarit.
😂🔥 ZIDANE EN FOLIE SUR LE BUT D’OLISE ! https://t.co/8NDWro7X7h
— Téléfoot (@telefoot_TF1) Septemvri 28, 2026
Zidane pranoi se Franca pati disa vështirësi në pjesën e dytë, por e konsideroi këtë të kuptueshme, pasi kishte bërë nëntë ndryshime në formacion.
Franca tani do të përballet me Italinë të premten në “Stade de France” në Paris.
Kjo do të jetë ndeshja e parë e Zidanet në shtëpi si selektor i Francës.
“Do të jemi të lumtur të luajmë të premten në ‘Stade de France’, me tifozët tanë. Por do të jetë një ndeshje ndryshe”, ka deklaruar Zidane.