Откако ја започна својата професионална кариера, Кингсли Коман секоја година ја освојува шампионската титула. Гранит Џака и останатите играчи на Баер Леверкузен ставија крај на оваа серија.
Баерн беше шампион на Германија од 2013 до лани. Оваа серија на Баерн заврши во неделата, кога Леверкузен ја освои првата титула во својата 120-годишна историја.
Посебна беше и серијата на Коман, ѕвездата на Баерн. Французинот за прв пат по 12 години остана без титула.
Како 17-годишник, во изданието 2012/13, Коман ја освои француската титула со ПСЖ. Одигра само три минути на еден натпревар, но беше дел од шампионскиот тим.
Коман ја освои втората титула со Париз во 2014. Продолжи со Јувентус, со кој тим стана шампион на Италија во 2015 и 2016. Од 2017 година ја освои германската титула со Баерн, но само до оваа година.
27-годишниот играч кој игра на крилната позиција има вкупно 27 трофеи на клупско ниво. Ја освои и Лигата на шампионите.
Коман веќе е еден од главните играчи во Франција.