Myrto Uzuni ka shkëlqyer për Austinin amerikan në ndeshjen e “Leagues Cup”.
Reprezentuesi i Shqipërisë i shënoi tre gola në fitoren 3:0 ndaj ekipit meksikan Puebla. Ndeshja u luajt në orët e para të së hënës.
Uzuni e shënoi golin e parë nga goditja e dënimit. Goli i dytë i sulmuesit të Shqipërisë u shënua pas një aksioni të rrjedhshëm, ndërsa i treti po ashtu ishte supergol – me volej.
“Jam shumë i lumtur për ‘hat-trickun’ e parë me Austin. I falënderoj shumë tifozët”, ka thënë Uzuni.
Ai pas ndeshjes ka udhëhequr një festë me daulle të tifozëve.
“Leagues Cup” është garë e klubeve amerikane dhe atyre meksikane.
