Селекторот на косовскиот репрезентативец до 21 година во фудбал, Африм Товерлани изјави дека за него сите играчи се исти. Тој рече дека некои играчи ќе имаат можност да ги покажат своите вредности во квалификациските натпревари за „Евро 2025“, против Унгарија и Израел. Косово У21 се собра за прв пат по шест месеци. Во Фудбалската федерација на Косово оценуваат дека атмосферата во селекцијата до 21 година е многу добра. Товерлани поради повреди ќе ги нема на располагање Аријан Лугиќ, Блерон Красниќ и капитенот Валон Зумбери.
Тоа е можност и другите да ја покажат својата вредност во отсуство на овие играчи“, изјави Товерлани. Многу фудбалери од косовските клубови се дел од Надежите на Косово. Но, тој е против поделба на играчите врз основа на тоа од каде доаѓаат. „Првично нема поделба на фудбалери од косовската лига и од земји надвор од Косово. Секогаш ќе се трудам да бидам коректен и да ги повикувам оние кои најмногу покажуваат и се во форма“, изјави Товерлани.
Косово У21 е во групата Д заедно со Германија, Полска, Израел и Естонија.
