Pasi shënoi dy gola në xhiron e parë, sulmuesi Giacomo Vrioni, ka shkëlqyer duke realizuar tjetër gol për Wolfsbergerin.
Wolfsbergeri të dielën në xhiron e dytë të Bundesligës së Austrisë barazoi 1:1 në shtëpi me Salzburgun.
Vrioni e realizoi golin e epërsisë për vendësit në minutën e 67-të.
Sulmuesi shqiptar luajti deri në minutën e 85-të. Ndërsa bashkëlojtari i Vrionit, Donis Avdijaj, u zëvendësua në minutën e 64-t.
Vrioni ishte prej më të mirëve te skuadra e tij.
