Словенечката репрезентација верува дека ја заслужила победата во натпреварот против Косово. Косово и Словенија одиграа нерешено без голови во петокот вечерта на „Фадил Вокри“.
Во второто полувреме Словенците доминираа и создадоа неколку добри шанси за гол.
„Во првото полувреме пробавме некои нови работи и бевме посигурни со секоја измината минута. Во второто полувреме мислам дека загубивме два бода. Не можеме да бидеме задоволни. Треба да ни биде жал за пропуштените шанси, но имаме уште еден натпревар во понеделник. Овој бод не може да биде задоволителен, врз основа на она што го направивме на теренот и напорите на играчите. Долго време го имавме противникот под контрола како никој друг. Но, ни недостасуваше малку повеќе острина во опасната зона“, рече селекторот на Словенија, Матјаж Кек.