Албанскиот талент, Џои Нуредини, го продолжи договорот до 2029 година со Џенова, која се натпреварува во италијанската Серија А.
18-годишниот Нуредини игра за репрезентацијата на Албанија до 19 години, а на 18 јануари го имаше своето деби во Серија А против Парма.
„Дефинитивно беше посебна година за мене, со моето деби во Серија А, а потоа и со повредата на лигаментите. Ова продолжување на договорот ми дава енергија и одговорност и ми дава голема самодоверба од клубот кој многу ме поддржуваше. Едвај чекам да се вратам на теренот“, изјави Нуредини за веб-страницата на италијанскиот клуб.
Напаѓачот постигна пет гола во 12 натпревари за младинскиот тим на Џенова.
