Дефанзивецот на Реал Мадрид, Антонио Рудигер се извини за своето однесување на крајот од саботното финале во Купот на Кралот против Барселона.
Германскиот претставник се обиде да го нападне судијата во последните секунди од поразот од 3:2. Тој претходно го напушти теренот поради повреда. Поради неговото однесување, тој беше казнет со црвен картон.
"Дефинитивно нема оправдување за моето однесување синоќа. Многу ми е жал за ова. Игравме многу добро од второто полувреме па наваму. По 111 минути не можев повеќе да му помогнам на мојот тим и пред крајот направив грешка. Повторно му се извинувам на судијата и на сите што ги разочарав синоќа", напиша тој на Инстаграм.
Реал Мадрид беше поразен по продолженијата од Барселона. Крајот беше проследен со многу напнатост.
