Liverpooli e ka paraqitur listën e futbollistëve pjesëmarrës në edicionin e ri të Ligës së Kampionëve.
Dhe rënia e Federico Chiesas, fituesit të Evropianit 2020 me Italinë, është konfirmuar. Chiesa është lënë jashtë listës, ndërsa është përfshirë bashkëkombësi i tij, Giovanni Leoni.
Ish-mbrojtësi i Parmas, Leoni, është duke u rikuperuar nga një lëndim i rëndë në gju, që e pësoi në debutim me Liverpoolin në edicionin e kaluar.
Sulmuesi i krahut të majtë, Chiesa, në 50 ndeshje në të gjitha garat me Liverpoolin ka realizuar vetëm pesë gola dhe ka kontribuuar me pesë asistime. Tek Italia nuk ka luajtur prej Evropianit 2024.