Goli i Tijjani Reijndersit në minutën e 89-të e ka shpëtuar Holandën nga humbja në udhëtim te Greqia, në ndeshjen e tretë të Grupit A2 të Ligës së Kombeve.
Ballafaqimi i luajtur në Selanik të enjten mbrëma u mbyll 2:2.
Fotis Ioannidis në minutën e 23-të dhe Georgios Masouras në minutën e dytë shtesë të pjesës së parë, i dhanë Greqisë epërsinë 2:0.
Por, Holanda e Xavi Hernandezit nuk u dorëzua. E ngushtoi rezultatin me qendërmbrojtësin Virgil van Dijk në minutën e 59-të dhe një minutë para fundit, Reijnders ia siguroi një pikë holandezëve në udhëtim.
Mysafirëve iu anulua edhe një gol i Denzel Dumfriesit në minutën e 65-të. Holanda e dyta në grup i ka pesë pikë, dy më pak se liderja, Greqia.