Винисиус Жуниор постигна два гола, а Федерико Валверде уште еден за да ја обезбеди победата на Реал Мадрид над Атлетико во мадридското Супердерби во недела навечер.
Реал Мадрид победи со 3:2 против Атлетико Мадрид, во големото дерби на шпанската Ла Лига.
Атлетико поведе со голот на Адемола Лукман во 33-тата минута.
Потоа Реал постигна два брзи гола. Винисиус Жуниор израмни од пенал во 52-та минута, додека три минути подоцна Федерико Валверде го донесе Реал во водство од 2-1.
Резултатот беше израмнет во 66-тата минута. Голот за 2:2 го постигна Нахуел Молина.
Винисиус го постигна и својот втор личен гол за водство од 3:2, резултат со кој заврши натпреварот.
Реал Мадрид играше со еден играч помалку на теренот од 77-та минута. Валверде беше казнет со црвен картон. Имаше бројни протести од играчите и тренерот на Реал Мадрид, бидејќи тврдеа дека Валверде бил неправедно казнет со црвен картон.
Со победата, Реал Мадрид се зацврсти на второто место со 69 бода. Барселона е лидер по 29 кола со 73 бода.
