Pas zhvillimeve dramatike te Përfaqësuesja e Portugalisë me largimin e Cristiano Ronaldos nga kampi portugez, ka reaguar vetë superylli i futbollit.
Ronaldo ka thënë se e ka marrë vendimin pas bisedës me Presidentin e Federatës.
“Pas konferencës për media me përzgjedhësin e përfaqësueses, dhe pas bisedës me Presidentin e Federatës së Futbollit të Portugalisë, kam vendosur të largohem nga grumbullimi. Kur të vijë koha, do t’i tregoj gjithë portugezëve për arsyet që më motivuan për t’u larguar nga përfaqësuesja, të cilës i jam përkushtuar gjithmonë. Tani është koha t’i uroj fat të mirë Portugalisë dhe gjithë bashkëlojtarëve pa përjashtim”, ka shkruar Ronaldo në rrjetet sociale.
