Milot Rashica mund t’i mungojë Beshiktashit ndaj Hoffenheimit pasi nuk mori pjesë në stërvitjen e fundit te skuadra turke.
Sulmuesi i Kosovës vazhdon të ketë probleme fizike, ndërsa gjendja e tij mbetet në dyshim para përballjes me ekipin gjerman, pjesë e të cilit janë Fisnik Asllani, Leon Avdullahu dhe Albian Hajdari.
Beshiktash – Hoffenheim luhet të mërkurën nga ora 21:00. I takon xhiros së dytë të fazës së ligës në “Europa League”.
Sulmuesi i krahut, Rashica, kishte pësuar lëndim gjatë ndeshjes së Kosovës kundër Austrisë, më 4 tetor.
Sipas raportimeve, ai ka dëmtuar muskulin në pjesën e sipërme të kofshës së djathtë.
30-vjeçari Rashica këtë edicion në shtatë ndeshjet e zhvilluara në të gjitha garat ka kontribuar me një gol.