Бедирхан Дурак поднесе оставка на функцијата претседател на турскиот клуб Адана Демирспор.
Ваквата одлука е донесена откако Адана Демирспор го напушти теренот во неделата вечер на натпреварот против Галатасарај.
Адана беше изнесен од теренот во 30. минута.
Во 11. минута главниот судија на натпреварот Огужан Чакир досуди пенал за Галатасарај кој Алваро Мората го претвори во гол за 1:0.
Имаше протести од гостите дека пеналот не постоел.
Во 30. минута Јусуф Бараши од Адана Демирспор се повреди и легна на земја. За време на таа пауза, по разговор меѓу играчите на Адана Демирспор и техничкиот директор, Мустафа Алпер Авчи, одлучено е играчите да се упатат кон соблекувалната.
„Работев дење и ноќе за правилно да ја извршувам функцијата претседател, функција што ја извршувам од октомври, давајќи повеќе од доволно од мојот џеб, време и здравје. Сакам да ги информирам сите дека ја напуштам функцијата претседател што ми беше доделена, пред се за мојот клуб, моето семејство, моите најблиски и моето здравје, за подобро утре“, напиша Дурак.
