Англискиот голман Џордан Пикфорд му даде поддршка на селекторот Герет Саутгејт по многуте критики кои ги доби по двата одиграни натпревари на ЕП „Германија 2024“.
Англија ремизираше и на вториот натпревар против Данска со резултат 2:2, но беше критикувана од многу навивачи за начинот на кој одиграа во играта.
Пикфорд во неделата на прес-конференцијата истакна дека Англичанецот Саутгејт не ги заслужува критиките кои ги добива.
„Сите стојат зад менаџерот. Сè што правиме на тренинзите и на состаноците што ги имаме, тој брилијантно ни го испорачува и ни го дава вистинскиот план за игра. Не бевме совршени против Данска, но тоа е добро чувство бидејќи знаеме дека можеме да се подобриме. Знаеме дека имаме повеќе да дадеме на секој натпревар, така што да се биде на четири бода со многу напредок не е лошо чувство“, изјави Пикфорд.
Англија на 25 јуни ќе игра против Словенија во финалниот натпревар од групата Ц.
