Përfaqësuesja e Kosovës në futboll është vendosur në Debrecen të Hungarisë, ku e luan ndeshjen e radhës të Ligës së Kombeve.
Të enjten Kosova luan ndaj Izraelit, që është vendas. Të dielën mbrëma, Kosova pësoi 3:1 nga Austria në Vjenë dhe më pas ka udhëtuar për në qytetin hungarez. Stërvitjet kanë vazhduar të hënën.
Të hënën kanë ushtruar lojtarët që nuk ishin startues ndaj Austrisë, ka njoftuar FFK-ja. Të tjerët kanë pasur seancë rikuperimi në palestër.