Норвешка го доби вториот квалификациски натпревар за Светското првенство во 2026 година. Норвешка во вторникот вечерта го совлада Израел со резултат 4:2. Еден од четирите гола за Норвежаните го постигна Ерлинд Халанд. За Халанд тоа беше 40-ти гол во 41 натпревар за Норвешка. Тој го постигна четвртиот гол во 83. минута.
Дејвид Молер Волф во 39. минута, Александар Сорлот во 59., Кристофер Ајар во 65. минута ги постигнаа другите три гола за Норвешка.
За Израел двата гола ги постигнаа Мохамед Абу Фани во 55 и Дор Тургеман во 93 минута.
Норвешка е прва во групата И со шест бода. Израел е на третото место со три бода, исто колку и Естонија.
Слични статии